Ég reyni að forðast öll aukaefni eins og heitan eldinn, en einu sinni á ári leyfi ég mér að nota Xanthan Gum. Þessar bollur eru líka með eggjum, sem ég nota sjaldan í bakstur. Ekki hægt að gera vatnsdeig öðruvísi. Ég raða ekki í mig bollum, en 2-3 litlar bollur þennan eina dag hafa ekki gert mér illt 🙂
Hráefni
150 g vegan smjör, kubbur frá Naturli
250 g (250 ml) vatn
60 g (2/3 bolli) möndlumjöl
30 g (1/3 bolli) kókoshveiti
40 g (1/3 bolli) hrísmjöl
1 tsk Xanthan Gum
1/4 tsk salt
3 egg
Aðferð
Bræðið vegan smjörið, bætið vatninu saman við og látið suðuna koma upp.
Sigtið þurrefnin og blandið vel saman.
Hrærið þurrefnin saman við bráðið smjörið og vatnið í pottinum með sleif þar til það er kekkjalaust og losnar frá botninum. Kælið.
Þeytið eggin saman við, eitt í einu.
Sprautið deiginu á bökunarplötu eða setið það á hana með teskeið.
Bakið við 170 gráður í 25-30 mínútur. Lengur ef þið hafið bollurnar stórar. Passið að opna ekki ofninn fyrstu 20 mínúturnar, því þá geta bollurnar fallið.
Glassúr
30 g vegan smjör, kubbur frá Naturli
1 msk kakó
1 msk stevíuduft, frá Good Good
Bræðið vegan smjörið við vægan hita og hrærið stevíudufti og kakói saman við þar til það hefur samlagast vel og er glansandi.
Einnig hægt að bræða saman dökkt súkkulaði og vegan smjör til að setja ofan á bollurnar.
Hugmyndir að fyllingum
Þeyttur kókosrjómi og sykurlaus sulta
Þeyttur kókosrjómi og fersk ber
Vanillukrem og þeyttur kókosrjómi
Hindberjarjómi, eins og í þessari uppskrift, en einnig er hægt að hræra berjasultu saman við rjómann
Þeyttur kókosrjómi sem 2 msk af heslihnetu- og möndlusmjöri hefur verið þeytt saman við. Líka gott að saxa möndlur og/eða hnetur út í.
Sítrónukrem og þeyttur kókosrjómi
Möguleikarnir eru endalausir.
Uppskriftin er unnin í samstarfi við Good Good og Rapunzel.
Sæluréttir Siggu er skrásett vōrumerki. Uppskriftirnar eru einungis ætlaðar til einkanota. Óheimilt er að nota þær í hvers kyns veitingaþjónustu án skriflegs leyfis frá eiganda vōrumerkisins. Dreifing, afritun, birting og ōnnur notkun uppskrifta og ljósmynda á síðunni er einnig óheimil án leyfis.
