Hráefni
1 pk vegan hakk (324 g)
1 bolli sólblómafræ
1 laukur
3-4 hvítlauksrif
2 gulrætur, litlar
1 lítill sellerí stilkur, eða hálfur stór
1 msk Yfir holt og heiðar, lambakrydd, frá Kryddhúsinu
1 msk grænmetiskraftur, glúten- og aukaefnalaus
1 msk tómatþykkni, án sykurs og aukaefna
2 bollar vatn
1 msk tapioka, kúfuð
ólífuolía til steikingar
salt og svartur pipar
Aðferð
Hitið bakaraofninn í 220°C.
Gerið kartöflustöppuna fyrst. Þið getið notað ykkar uppáhalds uppskrift, en HÉR finnið þið uppskrift að sætkartöflumús.
Hreinsið og saxið lauk, hvítlauk, sellerí og gulrætur.
Malið sólblómafræin í örskamma stund. Gætið þess að þau verði ekki að dufti.
Steikið lauk, hvítlauk, sellerí og gulrætur í smástund á pönnu, eða þar til það er mjúkt en ekki farið að brúnast.
Bætið vegan hakkinu og sólblómafræjunum saman við og steikið áfram í u.þ.b. 5 mínútur.
Kryddið og setjið tómatkraftinn og grænmetisteninginn saman við.
Leysið tapiokað upp í smávegis af vatninu og hrærið saman við hakkblönduna í pönnunni. Að síðustu er restinni af vatninu blandað saman við og allt soðið niður í 15-20 mínútur.
Setjið hakkblönduna í eldfast form og sprautið eða smyrjið kartöflustöppu eða stöppu úr sætkartöflum yfir. Ég setti helming af hvoru því það er misjafnt hvað heimilisfólk vill.
Stingið forminu í ofn í u.þ.b. korter, eða þar til stappan hefur aðeins brúnast.
Ath. Að ef þið viljið hafa meira hakk í forminu má alveg tvöfalda uppskriftina.
Sumum finnst gott að rífa smá vegan ost yfir áður en formið er sett í ofninn.
Þessi uppskrift er gerð í samstarfi við Kryddhúsið.
Sæluréttir Siggu er skrásett vōrumerki. Uppskriftirnar eru einungis ætlaðar til einkanota. Óheimilt er að nota þær í hvers kyns veitingaþjónustu án skriflegs leyfis frá eiganda vōrumerkisins. Dreifing, afritun, birting og ōnnur notkun uppskrifta og ljósmynda á síðunni er einnig óheimil án leyfis.
