Hráefni

400 g tófú

Jurtaolía

Hráefni

300 ml ólífuolía

6 msk ferskar kryddjurtir að eigin vali, saxaðar (ég notaði steinselju, kóríander, basilíku, graslauk og pínu rósmarín)

1 tsk Grænmetisblanda, frá Mabrúka

1 msk capers

1/2 rauðlaukur

2 hvítlauksgeirar

1/2 sítróna, safinn

salt og svartur pipar

Aðferð

Hreinsið og saxið rauðlauk, hvítlauk og kryddjurtir. Setjið allt í blandara og maukið.

Skerið tófú í þunnar sneiðar (1-1½ sm). Makið jurtaolíunni á þær og látið marinerast í a.m.k. 4 klst. Gætið þess að skilja eftir a.m.k 2 msk af jurtaolíunni, en þær fara á kínúað og í tómatsalsað.

Steikið tófúið á grillpönnu þar til það hefur brúnast vel.

Kínúa

Hráefni

200 g kínúa

400 ml vatn

1/2 laukur, smátt saxaður

1 msk Sítrónublanda, frá Mabrúka

1/3 gúrka

3 tómatar

1 msk jurtaolía

salt og svartur pipar

Aðferð

Saxið laukinn smátt. Þvoið kínúað undir rennandi vatni í u.þ.b mínútu.

Steikið lauk og kínúa í stutta stund í stórum potti. Bætið vatninu saman við og látið malla í 15-20 mínútur. Sigtið vatnið frá ef það er ekki allt gufað upp. Blandið Sítrónublöndunni frá Mabrúka saman við.

Fræhreinsið gúrkuna og skerið í litla teninga. Skerið tómatana líka í teninga. Blandið saman við kínúað ásamt 1 msk af jurtaolíu og kryddið með salti og svörtum pipar.

Salsa

Hráefni

4 tómatar

1/4 rauðlaukur

1 msk jurtaolía

1 msk capers

1 msk sítrónusafi

1/2 tsk sítrónubörkur

Aðferð

Rífið börk af sítrónunni og kreistið úr henni safann.

Hreinsið og saxið rauðlaukinn smátt.

Skerið tómatana í frekar litla bita.

Blandið öllu saman.

Komið kínúa, tófú og tómatsalsa fallega fyrir á diski. Gott að hafa grænt salat með þessum rétti.

Uppskriftin er gerð í samstarfi við Mabrúka.

Sæluréttir Siggu er skrásett vōrumerki. Uppskriftirnar eru einungis ætlaðar til einkanota. Óheimilt er að nota þær í hvers kyns veitingaþjónustu án skriflegs leyfis frá eiganda vōrumerkisins. Dreifing, afritun, birting og ōnnur notkun uppskrifta og ljósmynda á síðunni er einnig óheimil án leyfis.