Hráefni
300 g frosið mangó
250 g kókosrjómi, ferna frá Ånglamark, eða hafrarjómi
1 msk yacun síróp, þeir sem þola hlynsíróp geta notað það
1/2 tsk vanilla
Aðferð
Allt sett í kraftmikinn blandara og látið ganga þar til blandan er mjúk og kekkjalaus. Ef þið eigið ísvél er betra að nota hana og láta blönduna ganga í henni í u.þ.b. 10 mínútur áður en ísinn er borinn fram. Þessi tími er ekki heilagur, best að fylgjast vel með og stoppa þegar ísinn er tilbúinn. Ísvélar eru misjafnar og í sumum tilfellum er betra að frysta blönduna áður en hún er sett í ísvélina.
Ísinn er mun betri ef notuð er ísvél, ég ætla ekki að leyna því. Og best að bera ísinn fram strax eftir að hann er búinn til.
Smávegis granóla og sletta af þeyttum kókos- eða hafrarjóma gerir þennan eftirrétt enn betri.
Hann geymist ágætlega í frysti en verður svolítið harður. Því er nauðsynlegt að láta ísinn standa aðeins úti áður en hann er borðaður eða bregða honum í örbylgjuna í smástund.
Bláber fara einstaklega vel með mangó ís.
Sæluréttir Siggu er skrásett vōrumerki. Uppskriftirnar eru einungis ætlaðar til einkanota. Óheimilt er að nota þær í hvers kyns veitingaþjónustu án skriflegs leyfis frá eiganda vōrumerkisins. Dreifing, afritun, birting og ōnnur notkun uppskrifta og ljósmynda á síðunni er einnig óheimil án leyfis.
