Hráefni
1 stór eða 2 litlir blómkálshausar
1 bolli kjúklingabaunir
1/2 bolli grænar baunir (má sleppa)
1 laukur
1 msk smátt skorinn hvítlaukur
1 msk smátt skorinn engifer
2 græn chilli
12 karrýlauf
1 tsk túrmerik
1 tsk cumin
1 tsk chilli duft (eða 1/2 tsk chilli flögur)
2 tsk coriander duft
1 dós saxaðir, lífrænir tómatar
1 dós kókosmjólk
salt og svartur pipar
olía til steikingar
4-6 msk saxaður, ferskur kóríander (má sleppa)
Aðferð
Ef þið notið þurrkaðar kjúklingabaunir þarf að leggja þær í bleyti yfir nótt. Sigta vatnið frá og sjóða í nýju vatni í klukkustund áður en þið byrjið að elda. Gætið þess að sjóða þær í miklu magni af vatni því þær þrefaldast við suðu. Það er líka í góðu lagi að nota kjúklingabaunir úr krukku eða dós í þennan rétt.
Hreinsið blómkálið og skiptið niður í kvisti.
Skrælið lauk og saxið í bita. Afhýðið engifer og hvítlauk og saxið smátt. Fræhreinsið chilli og skerið í þunnar sneiðar. Saxið karrýlaufin gróft.
Hitið olíu á pönnu og þegar hún er orðin heit er laukurinn settur á hana. Þegar hann hefur tekið á sig gullinn blæ er engiferi, hvítlauk, chilli og karrýlaufum bætt á pönnuna og allt steikt áfram í stutta stund.
Setjið kryddið út á; túrmerik, chilli duft, coriander duft og cumin og blandið vel saman við. Saltið og piprið.
Því næst fara tómatarnir á pönnuna, hrærið vel saman og látið þá malla í 1-2 mínútur áður en blómkálskvistirnir eru settir út í. Þetta er látið malla í 10 mínútur. Hrærið annað slagið í svo blandan festist ekki við botninn og sósan blandist vel saman við blómkálið.
Setjið kjúklingabaunir og kókosmjólk út í pönnuna og látið malla áfram í 5-10 mínútur. Setjið grænu baunirnar saman við og bætið við kryddi ef þarf.
Í lokin er ferska kóríanderinu bætt út í. Það er gert rétt áður en maturinn er borinn á borð.
Með réttinum er gott að bera fram hrísgrjón og poppadoms.
Uppskriftin er unnin í samstarfi við Kryddhúsið.
Sæluréttir Siggu er skrásett vōrumerki. Uppskriftirnar eru einungis ætlaðar til einkanota. Óheimilt er að nota þær í hvers kyns veitingaþjónustu án skriflegs leyfis frá eiganda vōrumerkisins. Dreifing, afritun, birting og ōnnur notkun uppskrifta og ljósmynda á síðunni er einnig óheimil án leyfis.
