Hráefni
300 g klofnar rauðar linsubaunir
600 ml vatn
1/2 laukur
2 msk engifer, saxað
4 hvítlauksrif
1 msk Indverskt krydd, frá Kryddhúsinu
1/4 tsk túrmerik, frá Kryddhúsinu
1/2 tsk chilli flōgur, frá Kryddhúsinu
1 grænmetisteningur, án glútens
1 dós kókosmjólk, þykki hlutinn
1 handfylli af ferskum kóríander
1 tsk límóna, safinn
ólífu olía, til steikingar
Aðferð
Hreinsið linsurnar í köldu vatni og sigtið vatnið frá. Það er óþarfi að láta þær liggja í bleyti fyrir þennan rétt.
Afhýðið og saxið lauk, hvítlauk og engifer. Saxið kóríander. Þeir sem eru ekki hrifnir af kóríander geta notað steinselju í staðinn.
Steikið aðeins lauk, hvítlauk og engifer í olíunni. Blandið kryddi, kóríander og linsum saman við og veltið því aðeins um í pottinum við áður en vatni og grænmetisteningi er bætt út í.
Allt látið malla við miðlungshita í u.þ.b. 25-35 mínútur. Þegar tíminn er hálfnaður er kókosmjólkin hrærð saman við. Getur verið misjafnt eftir því hvernig eldavél þið notið, hversu hratt suðan gengur. Mikilvægt er að fylgjast vel með og hræra í annað slagið. Svona svipað og þegar maður sýður grjónagraut og svo er áferðin líka svipuð þegar rétturinn er tilbúinn. Í lokin er svo límónusafanum hrært saman við.
Borið fram með hrísgrjónum og/eða pappadoms. Ástæðan fyrir að ég mæli með pappadoms í stað Naan er að pappadoms eru án glútens. Gott að hafa slettu af vegan sýrðum rjóma út á.
Ath. Það eru oft notaðir tómatar í dal, en mér finnst það gott svona líka. Heilar rauðar linsur virka alveg ef ekki eru til klofnar, en áferðin verður aðeins öðruvísi og þær þurfa svolítið meiri suðu.
Uppskriftin er unnin í samstarfi við Kryddhúsið.
Sæluréttir Siggu er skrásett vōrumerki. Uppskriftirnar eru einungis ætlaðar til einkanota. Óheimilt er að nota þær í hvers kyns veitingaþjónustu án skriflegs leyfis frá eiganda vōrumerkisins. Dreifing, afritun, birting og ōnnur notkun uppskrifta og ljósmynda á síðunni er einnig óheimil án leyfis.
