Hráefni
1 stórt eggaldin
3 kartöflur, miðlungs stórar
1 laukur
2-3 tómatar (einnig hægt að nota 8-12 kirsuberjatómata)
1 stór grænn chilli
1/2 msk fínsaxaður hvítlaukur
1/2 msk fínsaxaður engifer
1 tsk cumin fræ
1 tsk turmerik
1/2 tsk rautt chilliduft
2 msk kórianderduft
5 karrý lauf, fersk eða þurrkuð
salt eftir smekk
1/2 bolli olía til steikingar
1 – 1 og 1/2 bolli vatn
Aðferð
Skerið eggaldin í aflanga bita og kartöflurnar í u.þ.b. 2 cm kubba. Skerið laukinn í þunnar sneiðar og tómatana í litla bita. Saxið græna chilli-ið og ef þið eruð ekki fyrir sterkan mat skuluð þið fræhreinsa það áður. Hreinsið og fínsaxið hvítlauk og engifer.
Hitið olíuna á pönnu. Hún á að verða snarpheit og best er að nota wok pönnu. Cumin fræ fara fyrst í olíuna og þegar þau eru byrjuð að poppa og ilma setjið þá laukinn saman við og veltið þar til hann tekur á sig gylltan lit. Laukurinn á ekki að brúnast mikið.
Næst fara engifer, hvítlaukur og grænt chilli út í og þegar það hefur samlagast lauknum er tómötunum bætt saman við og síðan öllu kryddinu. Hrært saman og látið malla í u.þ.b. 5 mínútur eða þar til tómatarnir eru orðnir nokkuð mjúkir. Hrærið í annað slagið og bætið vatninu saman við í lokin.
Bætið kartöflum út í og látið malla í 5 mínútur. Setjið eggaldinin út í og blandið vel saman við. Látið malla við lágan hita í u.þ.b. 10-15 mínútur eða þar til bæði kartöflur og eggaldin eru orðin mjúk. Hrærið í annað slagið og bætið vatni við ef þarf.
Berið fram með hvítum jasmín hrísgrjónum.
Sæluréttir Siggu er skrásett vōrumerki. Uppskriftirnar eru einungis ætlaðar til einkanota. Óheimilt er að nota þær í hvers kyns veitingaþjónustu án skriflegs leyfis frá eiganda vōrumerkisins. Dreifing, afritun, birting og ōnnur notkun uppskrifta og ljósmynda á síðunni er einnig óheimil án leyfis.
