Vegan bolognese
Hráefni
4 dósir saxaðir tómatar (lífrænir, án sykurs og aukaefna)
400 g gulrætur
325 g soyahakk (eða blanda af söxuðum kúrbít og vorlauk)
1 laukur, meðalstór
1 rauðlaukur, meðalstór
6 hvítlauks geirar
1/2 rauður chilli
2 msk ítalskt krydd frá Kryddhúsinu
1 msk oregano
salt og svartur pipar
ólífuolía til steikingar
Glútenlausar lasagna plötur (green lentil pasta)
Aðferð
Saxið gullrætur smátt. Hreinsið og saxið lauk, rauðlauk, hvítlauk og chilli. Líka kúrbít og vorlauk ef þið notið ekki soya hakk.
Hitið pönnu og setjið síðan lauk, rauðlauk, chilli og hvítlauk á hana og steikið í smástund, eða þar til það byrjar að brúnast. Kryddið og veltið aðeins saman áður en gulrótunum og soyahakki (eða kúrbít og vorlauk) er bætt út í pönnuna. Steikið aðeins áfram og setjið síðan tómatana út í. Látið malla við vægan hita í 45 mínútur. Bætið við kryddi ef þarf.
Ostasósa
Hráefni
800 ml möndlumjólk
250g Violife mozzarella ostur
1 msk tapioka
sletta af vatni
1 msk ítalskt krydd frá Kryddhúsinu
1 tsk oregano
1/2 tsk timian
salt og svartur pipar
ólífu olía til steikingar
Aðferð
Hellið möndlumjólkinni í pott og hitið að suðu.
Hrærið tapiokað út í smá slettu af vatni þar til það hefur samlagast. Hrærið tapiokablönduna saman við möndlumjólkina í pottinum og sjóðið þar til sósan hefur þykknað aðeins.
Hrærið ostinn saman við sósuna en gætið þess að láta hana ekki sjóða eftir að osturinn er kominn saman við. Hrærið þar til osturinn hefur samlagast. Kryddið.
Lasagnað er svo sett saman á eftirfarandi hátt; í botninn á eldföstu fati er sett lag af vegan bolognese, síðan lasagna plötur, þá ostasósan og þetta er svo endurtekið þrisvar sinnum. Ostasósan er efst. Stráið rifnum Violife osti yfir og skreytið jafnvel með kirsuberjatómötum áður en fatið fer inn í ofninn.
Bakið lasagnað í 30 mínútur við 200 gráður og hafið það síðan í 5 mínútur undir grilli. Látið lasagnað hvíla í 15 mínútur áður en það er borið fram.
Gott að bera fram með salati og grænu pestó.
Uppskriftin er gerð í samstarfi við Kryddhúsið.
Sæluréttir Siggu er skrásett vōrumerki. Uppskriftirnar eru einungis ætlaðar til einkanota. Óheimilt er að nota þær í hvers kyns veitingaþjónustu án skriflegs leyfis frá eiganda vōrumerkisins. Dreifing, afritun, birting og ōnnur notkun uppskrifta og ljósmynda á síðunni er einnig óheimil án leyfis.
