Hráefni
400 g smálúða
2 msk saxað dill
2 msk capers
3 hvítlauksgeirar
1/2 – 1 sítróna (og meira til að skera í báta og bera fram með)
salt og svartur pipar
25 g vegan smjör, kubbur frá Naturli
ólífuolía
Aðferð
Hreinsið hvítlaukinn og saxið hann og dillið. Snyrtið fiskinn ef þarf og þerrið. Skerið flökin í hæfilega bita og kryddið.
Hitið olíuna á pönnu og þegar hún er orðin snarpheit er fiskurinn settur á pönnuna og steiktur í 2-3 mínútur. Fer eftir þykkt. Því næst fer hvítlaukur, capers og dill á pönnuna. Fisknum snúið og pannan tekin til hliðar augnabliki síðar, smálúðuflökin eru svo þunn og mikilvægt að steikja fiskinn ekki of lengi.
Færið fiskinn upp á fat og setjið pönnuna í smá stund á eldavélarhelluna aftur. Setjið smjörið út á pönnuna og kreistið safa úr hálfri sítrónu. Þegar smjörið er bráðið er gott að hræra aðeins í þessu og ausa svo yfir fiskinn.
Gott að hafa hrísgrjón, sítrónu og grænt salat með.
Þessi uppskrift er unnin í samstarfi við Hafið.
Sæluréttir Siggu er skrásett vōrumerki. Uppskriftirnar eru einungis ætlaðar til einkanota. Óheimilt er að nota þær í hvers kyns veitingaþjónustu án skriflegs leyfis frá eiganda vōrumerkisins. Dreifing, afritun, birting og ōnnur notkun uppskrifta og ljósmynda á síðunni er einnig óheimil án leyfis.
