Hráefni
200 g hrísgrjónapasta (rice pasta)
100 g shiitake sveppir
1/2 bolli ólífuolía
1 msk sítrónusafi
4 hvítlauksrif
1 bolli basil
1 bolli steinselja
1/4 bolli valhnetur
1 msk hempfræ
1 tsk jalapeño (má sleppa)
salt og svartur pipar
olía til steikingar
Aðferð
Byrjið á að gera pestó-ið og það má þess vegna gera það nokkuð löngu áður.
Afhýðið hvítlaukinn og setjið tvö rif í blandara. Geymið hin. Kreistið safa úr sítrónu og setjið 1 msk út í blandarann. Síðan koma valhneturnar, hempfræin og jalapeño. Blandið þar til það verður að grófu mauki. Blandið basil og steinselju saman við og látið vélina ganga áfram. Hellið ólífuolíunni saman við í mjórri bunu með blandarann í gangi. Kryddið með salti og svörtum pipar og smakkið til.
Látið vel af vatni bullsjóða, setjið pastað út í og saltið aðeins. Sjóðið það síðan samkvæmt leiðbeininum á umbúðum. Yfirleitt í u.þ.b. 10 mínútur. Það er einnig hægt að nota annað glútenlaust pasta, eins og t.d. úr grænum baunum, linsubaunum eða kjúklingabaunum.
Meðan pastað sýður er olía hituð á pönnu og hvítlauksrifin sem eftir voru söxuð fínt. Steikið sveppina upp úr olíu og skellið hvítlauknum á pönnuna rétt áður en sveppirnir eru passlega steiktir. Saltið og piprið.
Sigtið vatnið frá pastanu og setjið það í skál með vel af pestói. Skammtið pasta á diska og setjið sveppina út á. Að lokum er aðeins meira pestó-i bætt út á og skreytt með jurtum ef vill.
Sæluréttir Siggu er skrásett vōrumerki. Uppskriftirnar eru einungis ætlaðar til einkanota. Óheimilt er að nota þær í hvers kyns veitingaþjónustu án skriflegs leyfis frá eiganda vōrumerkisins. Dreifing, afritun, birting og ōnnur notkun uppskrifta og ljósmynda á síðunni er einnig óheimil án leyfis.
