Hráefni
1 og 1/2 bolli maukað grasker
chia egg (1 og 1/2 msk chia fræ og 3 og msk vatn)
1 msk olía
15 dropar stevía
1/2 tsk sjávarsalt
1 og 1/2 tsk negull
1 og 1/2 tsk kardimommur
1 og 12 tsk engifer
1 tsk kanill
1 tsk matarsódi
1 tsk vínsteinslyftiduft
1 bolli kjúklingabaunamjöl
1 bolli möndlumjöl
1/2 bolli tapioka
1/2 bolli hrísmjöl
1/4 bolli möndlumjólk
Aðferð
Skrælið graskerið og skerið í bita. Setjið bitana í pott með vatni og látið þá malla við mjög lágan hita í 10-20 mínútur eða þar til þeir eru mjúkir. Sigtið vatnið frá og leyfið þeim að vera í nokkurn tíma í sigtinu svo eins mikið vatn og hægt er sigtist frá. Maukið í blandara. Ekki er verra að gera maukið deginum áður.
Hitið ofninn í 170 gráður.
Setjið chia fræ og vatn í stóra skál, hrærið saman og látið bíða í fimm mínútur.
Sigtið þurrefnin saman í annarri skál; möndlumjöl, kjúklingabaunamjöl, hrísmjöl og lyftiefni.
Hrærið olíunni saman við chia eggið og síðan stevíu og öllum kryddunum.
Blandið graskersmaukinu vel saman við.
Því næst fara þurrefnin og möndlumjólkin út í og hrærið svo allt vel saman með sleif. Gætið þess þó að hamast ekki of mikið með sleifina, því þó deigið eigi að vera mjúkt og kekkjalaust geta muffins-in orðið seig ef of mikið er hrært.
Bakið í 12 muffins formum í 30-35 mínútur.
Glassúr
Hráefni
1/3 bolli vatn
1 tsk kanill
2 tsk örvarrót
2 tsk yacon síróp
Aðferð
Hitið vatn, kanil og örvarrót saman í potti við lágan hita, og hrærið stöðugt í á meðan. Leyfið suðunni að koma upp og blöndunni að malla í u.þ.b. mínútu. Takið af plötunni og kælið. Ástæðan fyrir því að ekki má blanda sírópinu saman við fyrr en blandan hefur kólnað er að annars kristallast það og breytist í sykur. Þegar hún hefur kólnað er yacon sírópinu hrært saman við og blandan sett með teskeið ofan á hvert muffins.
Sæluréttir Siggu er skrásett vōrumerki. Uppskriftirnar eru einungis ætlaðar til einkanota. Óheimilt er að nota þær í hvers kyns veitingaþjónustu án skriflegs leyfis frá eiganda vōrumerkisins. Dreifing, afritun, birting og ōnnur notkun uppskrifta og ljósmynda á síðunni er einnig óheimil án leyfis
