Það hefur verið yndislegt að deila með ykkur uppskriftum á aðventunni fyrir þá sem ekki þola glúten og mjólkurvörur og/eða eru að forðast of mikinn sykur. Ég þakka ykkur frá innstu hjartarótum fyrir alla tölvupóstana, myndirnar og skilaboðin. Ég óska ykkur friðsælla, gómsætra og Gleðilegra jóla!
Hráefni
1 msk chia fræ og 3 msk vatn
1 bolli möndlumjöl
1 bolli kjúklingabaunamjöl
1/2 bolli tapioka sterkja
1/2 bolli hríshveiti
1 tsk vanilluduft
1 tsk matarsódi
1 tsk lyftiduft
1/2 tsk salt
1 msk ólífu olía
3/4 bolli hreint eplamauk
1/2 bolli möndlumjólk
1/2 bolli heslihnetur
40 g dökkt súkkulaði (85 – 100%)
Aðferð
Forhitið ofninn í 170 gráður.
Setjið chia fræ og vatn í stóra skál, hrærið saman og látið bíða í fimm mínútur.
Saxið heslihneturnar og súkkulaðið.
Sigtið þurrefnin saman í aðra skál; möndlumjöl, kjúklingabaunamjöl, tapioka og lyftiefni.
Olíunni pískað saman við chia eggið, sem og vanillu og salti. Síðan er eplamaukið hrært saman við og því næst möndlumjólkinni.
Þurrefnin sett út í og hrært þar til deigið er kekkjalaust. Heslihnetum og súkkulaði blandað varlega saman við.
Sett í lagkökuform, sem klætt er að innan með bökunarpappír og bakað við 170 gráður í 35-40 mínútur. Látið kökuna kólna á rist áður en hún er skreytt þeyttum kókosrjóma og berjum, ávöxtum eða hverju sem ykkur dettur í hug að geti gert hana hátíðlega. Sjálf setti ég til skiptis lag af kókosrjóma og berjum og ávöxtum.
Uppskriftin er unnin í samstarfi við Rapunzel.
Sæluréttir Siggu er skrásett vōrumerki. Uppskriftirnar eru einungis ætlaðar til einkanota. Óheimilt er að nota þær í hvers kyns veitingaþjónustu án skriflegs leyfis frá eiganda vōrumerkisins. Dreifing, afritun, birting og ōnnur notkun uppskrifta og ljósmynda á síðunni er einnig óheimil án leyfis.
