Hráefni
200 g spínat
500 g gulrætur, sem búið er að skræla
60 g engifer, sem búið er að skræla
4 hvítlauksgeirar
1 laukur, meðalstór
1 msk turmerik
1 rauður chilli, lítill
2 msk ólífuolía
1 líter vatn
salt og svartur pipar
Aðferð
Skerið gulræturnar í sneiðar, afhýðið hvítlaukinn og grófsaxið hann og engiferið. Afhýðið laukinn og saxið í grófa teninga. Fræhreinsið og saxið chili.
Hitið olíuna í potti og setjið síðan allt nema spínatið út í og látið krauma í hitanum í 2-3 mínútur. Hrærið í á meðan. Setjið spínatið útí og haldið áfram að hræra þar til spínatið er orðið frekar lint. Kryddið með salti og svörtum pipar.
Hellið vatninu út í pottinn og látið suðuna koma upp. Látið malla í 30-40 mínútur. Maukið með töfrasprota. Smakkið til og bætið meiri pipar og salti við ef þarf. Ef þið viljið ekki hafa grófa áferð er gott að hella súpunni í blandara og láta hann ganga þar til hún er silkimjúk.
Gott er að dreifa graskersfræjum yfir og jafnvel skreyta með kókosrjóma.
