Hráefni
2 eggaldin
1/2 blómkálshaus
4-6 kartöflur
Marenering
50 g ólífuolía
2 hvítlauksrif
1/2 tsk chilli, frá Kryddhúsinu
salt og svartur pipar
Sósa
1 dós tómatar, lífrænir og saxaðir
1/2 dós kókosmjólk
1 og 1/2 bolli vatn
1 dós kjúklingabaunir
1 laukur
4-6 hvítlauksgeirar
2 chilli, grænir
knippi af fersku kóríander
ólífuolía til steikingar
Aðferð
Skerið eggaldinin í sneiðar og skiptið blómkálinu í kvisti. Skerið kartöflur til helminga ef þær eru litlar en í fernt ef þær eru stórar.
Búið til mareneringu á eftirfarandi hátt; hreinsið hvítlauk og skerið gróft. Setjið hann, ólífuolíuna og kryddið í blandara og maukið. Veltið grænmetinu úr mareneringunni og látið bíða í a.m.k. hálftíma.
Setjið á bōkunarplōtu og grillið í ofni í ca. 5 mínútur á hvorri hlið.
Þá er það sósan. Hreinsið og saxið lauk og hvítlauk fínt. Saxið chilli og kóríander. Steikið lauk, hvítlauk og chilli á pönnu í smá stund.
Blandið tómötum, vatni og kókosmjólk saman við og látið sósuna malla á vægum hita í 20 mínútur. Blandið blómkáli, kartōflum, kjúklingabaununum og kóríander saman við og setjið í eldfast mót.
Stingið eggaldinsneiðunum hér og þar og setið mótið svo í 180 gráðu heitan ofn í 10 mínútur.
Gott að hafa grænt salat sem meðlæti.
Þessi uppskrift er gerð í samstarfi við Kryddhúsið.
Sæluréttir Siggu er skrásett vōrumerki. Uppskriftirnar eru einungis ætlaðar til einkanota. Óheimilt er að nota þær í hvers kyns veitingaþjónustu án skriflegs leyfis frá eiganda vōrumerkisins. Dreifing, afritun, birting og ōnnur notkun uppskrifta og ljósmynda á síðunni er einnig óheimil án leyfis.
