Hráefni
1 msk chia fræ og 4 msk vatn
1 msk olía
1/4 bolli safi úr blóðappelsínu (líka hægt að nota appelsínu)
1 msk blóðappelsínubörkur fínt rifinn
1/2 bolli eplamauk, án viðbætts sykurs eða aukaefna
1/2 bolli möndlumjólk
1 tsk vanilluduft
1 bolli möndlumjöl
1 bolli kjúklingabaunamjöl
1/2 bolli hrísmjöl
1/2 bolli tapioka
2 msk kakó
1 tsk matarsódi
1 tsk vínsteinslyftiduft
Ofan á
1/4 bolli blóðappelsínusafi
1 msk rifinn blóðappelsínubörkur
1 msk stevíuduft, frá GOOD GOOD
1 tsk örvarrót
Aðferð:
Hitið ofninn í 170 gráður.
Setjið chia fræin og vatnið í stóra skál og látið bíða í fimm mínútur.
Rífið börkinn og kreistið safann úr blóðappelsínunum. Oftast duga tvær blóðappelsínur. Skiptið safanum og berkinum í tvennt. Helmingurinn fer í skálina saman við chia eggið og hinn helmingurinn í lítinn skaftpott.
Hrærið olíu, vanillu, blóðappelsínusafa og berki vel saman við chia eggið. Blandið eplamaukinu og möndlumjólkinni saman við.
Sigtið þurrefnin saman í aðra skál; möndlumjöl, kjúklingabaunamjöl, hrísmjöl, tapioka, kakó, vínsteinslyftiduft og matarsóda.
Hrærið þurrefnin saman við blönduna í hinni skálinni með sleif þar til deigið hangir vel saman og er ekki kekkjótt.
Bakið í aflöngu brauðformi í u.þ.b. 40 mínútur við 170 °C.
Á meðan er stevíuduftið hrært saman við blóðappelsínusafann og börkinn í skaftpottinum og þegar það hefur samlagast er örvarrótinni bætt við. Hitið að suðu við lágan hita og látið svo sjóða aðeins í 2-3 mínútur. Hrærið stöðugt í blöndunni.
Þegar kakan er bökuð er gott að gata hana vel með prjóni og hella svo blöndunni yfir. Hægt að skreyta með blóðappelsínuberki, granateplum eða bara hverju sem hugurinn girnist.
Geymist í kæli.
Uppskriftin er unnin í samstarfi við GOOD GOOD.
Sæluréttir Siggu er skrásett vōrumerki. Uppskriftirnar eru einungis ætlaðar til einkanota. Óheimilt er að nota þær í hvers kyns veitingaþjónustu án skriflegs leyfis frá eiganda vōrumerkisins. Dreifing, afritun, birting og ōnnur notkun uppskrifta og ljósmynda á síðunni er einnig óheimil án leyfis.
