Fátt er betra en nýupptekið smælki og grænmeti og kryddjurtir úr gróðurhúsinu og garðinum. Ágúst er gjöfulastur mánuða hvað þetta varðar, og í þessum rétti er allt þaðan nema ólífuolía, sítrónusafi, jurtamjólk, rauðlaukur, kapers, salt og svartur pipar.
Hráefni
300 g kartöflur
200 g spergilkál
2-3 blóðbergsstilkar
2-3 rósmarínstilkar
2 hvítlauksgeirar
ólífuolía
salt og svartur pipar
1 parísargulrót, skorin í flögur til skreytingar
Aðferð
Forhitið ofninn í 220 °C.
Hreinsið grænmetið og skrælið hvítlaukinn. Skerið kartöflurnar í tvennt og skiptið spergilkálinu í kvisti.
Veltið kartöflum og spergilkáli upp úr ólífuolíu.
Setjið kartöflurnar í ofnskúffu ásamt 2 hvítlauksgeirum, sem þið merjið aðeins fyrst, blóðbergsstilkum og rósmaríni og bakið í u.þ.b. 15 mínútur eða þar til þær hafa tekið fallegan lit. Ofnar eru misjafnir. Takið þær svo út úr ofninum og látið hvíla.
Setjið þá spergilkálið inn í ofninn og bakið það í u.þ.b. 5 mínútur.
Blómkálsmauk
Hráefni
300 g blómkál
4-5 hvítlauksgeirar
1-2 rósmarín, nálar
1-2 blóðbergsstilkar, laufin
1 dl haframjólk, eða möndlumjólk
salt og svartur pipar
Aðferð
Skrælið hvítlaukinn, skiptið blómkálinu niður í kvisti og takið laufin af blóðbergsstilkunum og nálarnar af rósmarínstilkunum.
Setjið allt í pott og látið malla við lágan hita þar til blómkálið er orðið mjúkt.
Maukið með töfrasprota eða í blandara.
Salsa úr gúrkum og tómötum
Hráefni
2 tómatar
1/2 gúrka, eða tvær kokteil gúrkur
1 msk rauðlaukur, saxaður
2 litlir stilkar sellerí, athugið að um er að ræða lífrænt og smágert sellerí
1 msk sítrónusafi
1 msk ólífuolía
4 hvítlauksgeirar
1 msk saxað ferskt kóríander (má sleppa)
1 msk söxuð fersk steinselja
salt og svartur pipar
Aðferð
Skerið tómata og gúrkur í litla teninga. Saxið rauðlauk, hvítlauk og sellerí fínt. Sömuleiðis kóríander og steinselju.
Setjið allt í skál og blandið ólífuolíu og sítrónusafa saman við. Saltið og piprið eftir smekk.
Græn kryddjurtasósa
Hráefni
100 g ólífuolía
safi úr lítilli sítrónu eða hálfri stórri
handfylli af steinselju
handfylli af estragon
1 msk graslaukur, gróft saxaður
1 msk kóríander, gróft saxaður (má sleppa)
1 msk basil, gróft saxað
1 msk kapers
Aðferð
Hreinsið og afhýðið hvítlaukinn.
Setjið allt í blandara og maukið þar til sósan verður mjúk og falleg.
Setjið blómkálsmaukið í botninn og hrúgið kartöflum og spergilkáli yfir. Skreytið með gulrótarflögum ef vill og berið gúrku- og tómatasalsað og grænu kryddjurtasósuna fram með.
Sæluréttir Siggu er skrásett vōrumerki. Uppskriftirnar eru einungis ætlaðar til einkanota. Óheimilt er að nota þær í hvers kyns veitingaþjónustu án skriflegs leyfis frá eiganda vōrumerkisins. Dreifing, afritun, birting og ōnnur notkun uppskrifta og ljósmynda á síðunni er einnig óheimil án leyfis.
